Teksa ka publikuar një foto kur kanë qenë të rinj ish-ministrja dhe deputetja e PS, Mimi Kodheli ka shkruar një mesazh prekës për ndarjen nga jeta të Bashkim Finos.
Në një reagim në rrjetet sociale, Kodheli kujton kohën kur kanë qenë shokë klase në fakultet dhe shkruan se Fino ka qenë një mik në ditë të mira e të vështira.
“Ja ku jemi të dy, shokë të një klase fakulteti. Mbetëm deri sot të tillë, por jam e sigurt do takohemi sërish. Lamtumirë shok i kohërave të vjetra e moderne, mik i ditëve të mira e të vështira, Bashkim Fino. Do na mungosh të gjithëve, por më shumë Dianës së dashur. Lamtumirë e shihemi në kohë më të mira!”, shkruan Kodheli.
Bashkim Fino ndërroi jetë këtë të hënë pasi humbi betejën me koronavirusin./Opinion.al
