Milot Rashica do të transferohet në Napoli, nëse largohet Jose Callejon
Ylli i Kosovës, Milot Rashica gjatë kësaj vere mund të largohet nga Vitesse dhe të transferohet në Serie A.
Sipas mediave italiane, ish anëtari i Vushtrrisë mund të transferohet në Napoli, përcjell Express. Por, për tu realizuar ky transferim, nga Napoli duhet të largohet Jose Callejon
Nëse transferohet në Serinë A, te Napoli, Rashica do të ketë mbështetjen e Elseid Hysajt, për të përshitur sa më shpejt te kjo skuadër.
Të dy lojtarët luajnë në linjën e djathtë, Hysaj në prapavijë ndërsa Rashica në mesfushë por me detyra të theksuara sulmuese.
Rashica ishte zbulim i sezonit të kaluar në Eredivisie, aq sa për të janë interesuar edhe skuadrat më të mëdha të kampionatit holandez, si Ajax.
