Është ndarë nga jeta në moshën 72-vjeçare, si pasojë e një e sëmundjeje të rëndë, sipërmarrësi dhe biznesmeni Marsel Skëndo. Emri i tij u lidh ngushtë me botën e biznesnit që në fillimet e viteve ’90, ku qe ndër të parët që në Shqipërinë postkomuniste me vizion dhe largapmësi, iu drejtua iniciativës së lirë.
Ndër disa prej aktiviteteve të tij, Skëndo u njoh veçanërisht për pjesëmarrjen si bashkëaksioner në linjen e parë ajrore shqiptare, ndërsa më pas u përfshi edhe në fushën e medias, ku ishte bashkëaksioner në revistën dhe televizionin “Klan”. Në vitin 1992, “Rai Due” e deklaroi milionerin e parë shqiptar dhe i kushtoi një reportazh.
“Nuk dua te bej nje rezyme te sipërmarrjeve ne biznes dhe as mënyrën se si i menaxhoi ato. Por di te them se ishte një njeri që nuk mërzitej kurrë. Që e mori gjithcka me sportivitet e pozitivitet dhe keshtu iku edhe nga kjo bote. Duke qeshur e duke bere shaka me te gjithë, duke nisur nga vetja e tij”, kështu e kujton sipërmarrësin gazetari Blendi Fevziu, ndërsa ndan në rrjetet sociale disa rreshta nga kujtimet me të./Opinion.al
