Pak kohë më parë në media u publikua lajmi për vetëvrasjen e miliarderit në qelinë e burgut, Jeffrey Epstein.
Miliarderi akuzohej për abuzim seksual me minoren. Por, shumë persona nuk janë të bindur se Epstein u vetëvra. Vëllai i tij, ka pajtuar një mjek mjaft të njohur për të hetuar për ngjarjen në fjalë.
Në një interviste në mediat amerikane, 85-vjeçari Michael Baden, ekspert mjekoligjor, deklaron se nga shenjat që ka gjetur në trupin e 66-vjeçarit Jeffrey Epstein dyshon se ka shumë mundësi që ai të jetë vrarë dhe jo vetëvrarë.
Baden përshkruan se ka gjetur dy thyerje në laringun e Epstein, gjë e rrallë kjo në rastet e vetëvrasjes. Ish mjek ekzaminues në Nju Jork, Baden shprehet se shenjat tregojnë se mund të kemi të bëjmë me një vrasje dhe se viktima është mbytur.
Kujtojmë se Jeffrey Epstein u arrestua në muajin korrik, pas denoncimeve të bëra nga disa femra se ishin rekrutuar kur ishin të mitura nga miliarderi për të ushtruar prostitucion në festat e organizuara prej tij. Hetimet do të zbulonin mjaftë emra të njohur të cilët kanë marrë pjesë në këto festa, kjo është dhe një nga arsyet për shumë persona besojë se Epstein vra dhe nuk është vetëvrarë./ Opinion.al
