Një miliarder japonez do të dhurojë më shumë se 9 milion dollarë 1.000 njerëzve në Twitter për të parë nëse kjo përmirëson lumturinë e tyre. Ajo që ata duhet të bënin për të përfituar ishte t’i bënin retweet postimit të tij.
Gjigandi i blerjeve online Yusaku Maezawa do të ndajë 1 miliard jen (rreth 9 milion dollarë) midis përdoruesve të Twitter. Fituesit do të përfundojnë me një milion jen secili (afërsisht 9,100 dollarë).
Në një njoftim në YouTube, manjati i teknologjisë e quajti konkursin një “një eksperiment të rëndësishëm social” për të parë se çfarë ndikimi mund të ketë një milion jen në jetën e një personi.
Në videon që shpjegonte konkursin, Maezawa u kërkoi garuesve të përdorin paratë “ashtu si ata do të donin” dhe t’u përgjigjen pyetësorëve se si i përdorën ato.
Pothuajse çdokush kishte të drejtë të merrte pjesën e vogël të pasurisë së Maezawa. E tëra ato që duhej të bënin ishin të bashkoheshin në Twitter dhe të bënin retweet njoftimin në Twitter deri në mesnatën e 7 janarit.
Më shumë se 4 milion njerëz ia vunë veshin thirrjes së tij dhe i bën retweet postimit. Një llotari do të përcaktojë fituesit, dhe Maezawa do t’i njoftojë ata personalisht në një mesazh të drejtpërdrejtë brenda dy deri në tre ditë.
Maezawa gjithashtu tha se ai do të kontaktojë fituesit me fat më vonë për ti pyetur në lidhje me ndikimin, dhe bëri thirrje që shkencëtarët socialë të ndihmojnë në analizimin e rezultateve të eksperimentit.
Miliarderi bëri të njëjtën gjë në janar 2019. Ai premtoi 100 milion jen, afërsisht 914,000 dollarë, që do të ndaheshin midis 100 përdoruesve të Twitter.
Ai theu një rekord në këtë proces: Tweet-i i tij i Janarit 2019 ishte më i ndjekuri në atë kohë, me 4.68 milion retweet.
Sipas Forbes, pasuria e Maezawa është 2 miliard dollarë, dhe ka bërë një emër për veten e tij si një miliarder i cili merr idetë nga shumë burime, një muzikant rroku, turist i mundshëm në hënë dhe koleksionist i arti. Ai pagoi 111 milion dollarë në një pikturë Jean-Michel Basquiat në 2017, çmimi më i lartë i paguar ndonjëherë në ankand për një punë nga një artist amerikan. /Opinion.al
