Miley Cyrus është një ndër personazhet më interesantë të Hollywood-it e cila karakterizohet nga guximi dhe fakti që gjithmonë është pa komplekse. Shpeshherë ajo ka ndërmarrë disa veprime të papritura që kanë çuditur gjithmonë fansat dhe ndjekësit e saj.
I tillë ka qenë dhe ky veprim që këngëtarja e njohur ka bërë para pak ditësh. Nëse bën një udhëtim në Instagram dhe kërkon Miley Cyrus do të shohësh që ajo ka fshirë të gjitha fotot që kishte postuar në llogarinë e saj, duke përfshirë edhe fotot me të fejuarin Liam Hemsworth.
Të gjithë po pyesin se pse Miley mori këtë veprim edhe pse disa fansa po mendojnë se kjo është një mënyre e re marketingu dhe se ajo po na lajmëron për një projekt shumë të rëndësishëm. I tillë ka qenë edhe veprimi i Taylor Swift e cila fshiu të gjitha fotot dhe vetëm disa ditë më vonë ajo postoi foto nga albumi i saj i ri ‘Reputation’.
