Pak ditë më parë mediat e huaja kanë aluduar se çifti i njohur i showbizit botëror Miley Cyrus dhe Liam Hemsworth janë drejt ndarjes. Por në 10 vjetorin e lidhjes së tyre, këngëtarja e njohur i ka dhënë fund këtyre spekulimeve.
Ajo ka publikuar në Instagram lajmin ku thuhej se po ndahej dhe krahas tij ka shkruar:
“Gëzuar 10 vjetorin dashuria ime. Sa mirë që të gjithë janë aq të marrë siç kanë qenë në vitin 2009. Disa gjëra nuk do të ndryshojnë kurrë… dhe shpresoj që ajo që ti ndjen për mua të jetë një nga gjërat që nuk do të ndryshojë kurrë. E jotja përgjithmonë,”-ka shkruar këngëtarja duke hedhur poshtë zërat për ndarje.
Më pas ajo ka publikuar disa pjesë nga filmi i vitit 2009 “The Last song” ku ata janë njohur dhe më pas dashuruar.
“Gjërat filluan këtu dhe më pas shkuan shumë thellë. Gëzuar përvjetorin,”-përfundon Miley. Çifti u lidh në martesë në dhjetor të vitit që lamë pas./Opinion.al/
