Këngëtarja dhe aktorja Miley Cyrus duket se ka irrituar jashtë çdo parashikimi ndjekësit e saj në Instagram pas disa fotove të publikuara. Në këto foto ajo shfaqet sipër një peme “Joshua” e njohur me emrin shkencor ‘Yuça brevifolia’.
Kjo lloj peme njihet si mjaft e rrallë si dhe shumë lehtë e thyeshme nga peshat e rënda. Shumë nga ndjekësit e kanë ‘kryqëzuar’ Mileyn se këto foto nuk ishin një shembull i mirë në favor të mbrojtjes së natyrës dhe parqeve kombëtare.
Madje shumë komentues i kanë kërkuar këngëtares që të fshijë këto foto të cilat japin një shembull të keq. Miley nuk ka reaguar ende pas këtyre komenteve.
Ajo shquhet si një person që mbron natyrën dhe ndoshta sipas mediave të huaja nuk e njeh pemën ku ka realizuar fotot si dhe sa delikate dhe e rrallë është lloji i saj./Opinion.al/
