Milan mësohet të ketë arritur një marrëveshje për mbrojtësin e Villarreal Mateo Musaçhio. Sipas “Noticias Argentinas”, tani nuk mbetet gjë tjetër që kuqezinjtë të paguajnë 25 milionë eurot për të cilat është rënë dakord, për të siguruar shërbimet e 26-vjeçarit. Lojtari i “Nëndetëses së Verdhë” ka qenë shumë afër transferimit te klubi milanez në merkaton e verës së kaluar, por në fund kuqezinjtë janë tërhequr nga operacionit. Tani, duke parë mangësitë që ka skuadra e Montella-s në mbrojtje, drejtuesit milanezë duket se kanë vendosur ta përfërcojnë repartin me futbollistin argjentinas.
Ndërkohë Adriano Galliani ka konfirmuar se Keisuke Honda do të qëndrojë te kuqezinjtë deri në fundin e këtij sezoni, duke i dhënë në këtë mënyrë fund zërave që flisnin për një transferim të japonezit në MLS. “Honda? Nuk do të shkojë askund deri në fundin e sezonit”, ka thënë Galliani. “Ka qenë një vendim i përbashkët. Për këtë është informuar edhe trajneri Montella. A jam i lumtur që edhe Baça ka vendosur të qëndrojë? Absolutisht”.
