Ka përfunduar me barazimin 1:1 ndeshja mes Milanit dhe Udineses në “San Siro”.
Ka qenë Piatek në minutën e 44-t që kaloi Milanin në avantazh, por golit të tij iu përgjigj Lasagna në të 65-n, duke i dhënë një pikë mjaft të rëndësishme bardh e zinjve.
Ky barazim nuk është aspak në favor të Milanit, pasi me pikët e grumbulluara, kuq e zinjtë rrezikojnë rrugëtimin për një vend në zonën Champions.
Për këtë sfidë Gattuso kishte preferuar të ndryshojë skemë, duke luajtur me Cutronen dhe Piatek në majë të sulmit dhe brazilianin Paqueta pas tyre, ndërsa në stol kishin përfunduar Suso dhe Rodriguez.
Por gjatë ndeshjes, skuadra e Milanit u përball me disa vështirësi, pasi Donnarumma u dëmtua, ndërsa braziliani Paqueta që nuk mund të vijonte më dhe i la vendin Castillejos.
Gjatë ndeshjes lojtarët e Milanit vunë në rrezik disa herë portën e Udineses, por pa arritur të dyfishojnë rezultatin./ Opinion.al E.Xh.
