Milani ka fituar me rezultatin 2-0 ndaj Frosinones dhe ngjitet provizorisht në zonën Champions.
Kuq e zinjtë nuk e patën të lehtë të mposhtnin Frosinonen, tashmë e rënë nga kategoria. Pjesa e parë u mbyll pa gola, por pjesa e dytë do të rezervonte të gjithë spektaklin. Fillimisht Frosinone fitoi një penallti por Donnaruma bëri mrekullinë dhe mbajti shifrat në 0-0.
Gjashtë minuta më vonë Milani kaloi në avantazh me Piatek pas një kombinimi të bukur në zonë. Pak minuta më vonë Suso vulosi takimin me një goditje dënimi spektakolare.
Tashmë Milani shpreson që Juventus të fitojë kundër Atalantës në mënyrë që të mbajë vendin e katërt me 65 pikë.
Kampionatit Italian i mbetet edhe një javë për tu luajtur, ndërkohë që lufta do të mbetet e hapur deri në fund për vendin e katërt, që nënkupton kualifikimin në kompeticionin më të rëndësishëm evropian, Champions League./Opinion.al
