Me një lojë totalisht nën kontroll, Milani ka kaluar dhe sfidën e radhës në kampionat përballë Lazio me rezultatin e pastër 2-0.
Një sfidë e vështirë në letër, por që djemtë e Piolit arritën ta zgjidhnin sa më mirë duke mos iu lënë miqve asnjë mundësi për të rrezikuar.
Në pjesën e parë të dy ekipet zgjodhën të mbrohen dhe të studiojnë njëra-tjetrën, duke i mbyllur 45 minutat me rrjeta të paprekura.
Me të nisur pjesa e dytë, Milani e tregoi se kërkonte më shumë nga ky takim dhe arriti të gjejë golin e avantazhit me Pulisiç në minutën e 60. Lazio u përpoq të reagonte dhe në momentin e saj më të mirë Leao, në rolin e shërbyesit në këtë takim, i ofroi Okaforit në minutën e 87 dhe golin e dytë.
Me këtë 3 pikësh Milani merr përkohësisht vendin e parë në renditje në pritje të takimit të Interit.
