Milan-Inter, sfida që vendos gjithçka

Derbi i Milanos ose Derbi Milan-Inter pritet të ketë vëmendjen e mbarë botës së futbollit.
Edhe pse vitet e fundit të dyja skuadrat kanë pësuar rënie, interesi për këtë sfidë nuk humbet kurrë, jo vetëm në Itali, por edhe jashtë saj.
Sfida e ditës së nesërme do të transmetohet në 181 vende të botës dhe do të ulë para ekranit rreth 728 milionë persona.
Interesi më i madh do të jetë në Azi, pasi të dy presidentët e skuadrave janë me origjinë kineze.
Këtë herë sfida midis Milanit dhe Interit ka interes të madh edhe për vetë skuadrat, pasi Interit i duhet një fitore për të forcuar zonën Champions.
Interi ndodhet në vendin e katert me 58 pikë ndërsa skuadra e Milanit renditet në vendin e gjashtë me 8 pikë më pak.
Në këtë sfidë Milani vjen pas eleminimit në Europa League dhe humbjes me Juventusin, ndërsa Interi vjen më një formë të mirë, pasi ka mposhtur bindshëm Veronën dhe Sampdorian ku dhe ka shënuar 8 gola në këto dy takime.