Janë të shumtë zërat që dëgjohen së fundmi në lidhje me të ardhmen e Ricardo Kaka. Braziliani ish-ylli i Milan dhe përfaqësueses së Brazilit përflitet fuqishëm në lidhje me një rikthim të mundshëm të kuqezinjtë e Milan, apo edhe në shtëpinë e tij në “San Paolo”. Nuk përjashtohet edhe një tërheqje përfundimtare e Kaka, çka do të mund t’i hapte dyert një karriere të re si drejtues te klubi milanez.
Një seri dilemash, të cilat edhe vetë Kaka i ka theksuar përmes një postimi të tij në rrjetet sociale, duke thyer heshtjen dhe madje duke njoftuar lajmin e madh. “San Paolo? Milan? Tërheqje? Të dielën do ta mësoni”, ishin fjalët e Kaka në postimin e publikuar në Instagram. Tashmë është vetëm çështje kohe, nuk mbetet tjetër, veçse pak më shumë durim.
