Martesa e Princ Harry-t dhe ish-aktores Meghan Markle ka qenë një nga më të diskutuarat muajt e fundit. Meghan ka qenë në qendër të vëmendjes këto kohë në të gjitha mediat e huaja dhe është komentuar gjatë për sjelljet e saj si Dukesha e Sussexi-t.
Mirëpo ndonëse tashmë u bënë 3 muaj që nga martesa me Princin, ka ende persona që nuk e pranojnë atë në familje. Një mik i afërt i Princ Charles, Nicky Haslam ka dhënë një intervistë së fundmi për ‘Daily Mail’ ku është shprehur kundër Meghan.
“Ata janë persona shumë të zakonshëm. Do të ishte shumë e shëmtuar nëse babai i saj do të merrte pjesë në dasmën mbretërore”, ka thënë ai.
Ndër të tjera Nicky nuk nguroi të komentonte edhe fustanin e martesës së Meghan, ku u shpreh se nuk i pëlqeu aspak.
“Nuk më pëlqeu shumë fustani i saj, dukej si kur nuk shkonte shumë me gjërat e tjera. Duhej që të bëhej nga një material më i hollë, sepse ashtu dukej sikur ishte bërë prej betoni”, ka treguar Nicky për ‘Daily Mail’.
