Një blic i kuq është shenjë se jeni kapur me shpejtësi tej normave të lejuara…Pas blicit të Makinës Inteligjente të Monitorimit të Shpejtësisë, në këtë kompjuter shfaqet fotoja e makinës qe ka kryer shkelje te kodit rrugor, e cila automatikisht shkon te operatorët në Policinë Rrugore, ku bëhet konvertimi në masë administrative.
Përgjegjësi i Forcave Operacionale në Policinë Rrugore, Luan Lami, shpjegon për Tv Klan si funksionon kjo pajisje.
Masa administrative hynë në fuqi pas marrjes dijeni dhe njoftimi bëhet fizikisht, por edhe në E-Albania.
Lami shpjegon edhe procedurën që duhet të ndjekin qytetarët që për shkak të gjatësisë, përjashtohen nga gjoba për mungesë të rripit.
Makina inteligjente e monitorimit të shpejtësisë ka arritur te kape mesatarisht 400 deri në 500 persona në shkelje të rregullave të qarkullimit rrugor dhe që prej nisjes së punës, ka konstatuar rreth 5 mijë shtetas në shkelje./Tv klan
