Një 46-vjeçare është ndaluar nga Policia Kufitare në Kakavijë, pasi i janë gjetur 41 200 euro të padeklaruara. Mësohet se gruaja i kishte fshehur paratë në çantë dhe në trup, në mënyrë që të shmangte kontrollin e policisë.
Sasia e eurove i janë gjetur 46-vjeçares gjatë kontrollit të dytë, ndërsa dyshohet se këto para rrjedhin nga aktiviteti kriminal i të afërmve të kësaj shtetase.
Njoftimi i policisë
Policia Kufitare në bashkëpunim me doganën, evidentojnë dhe godasin një rast të tentativës për të transferuar në mënyrë të paligjshme jashtë vendit vlera monetare.
Procedohet penalisht një 46-vjeçare nga Fieri për mosdeklarim të të hollave në kufi.
Në vijim të punës për parandalimin, evidentimin dhe goditjen e paligjshmërisë, efektivat e Stacionit të Policisë Kufitare Kakavije, përzgjodhën për kontroll në vijën e dytë shtetasen M. Sh., 46 vjeçe, banuese ne Fier. Gjatë kontrollit në vijën e dytë kësaj shtetase nga ana e shërbimeve të policisë kufitare në bashkëpunim me shërbimet doganore, iu gjetën të fshehura në çantë dhe në trup një sasi prej 41.210 euro të cilat dyshohet se rrjedhin nga aktiviteti kriminal i të afërmëve të kësaj shtetase.
Në vendngjarje kanë mbritur Specialistët e Seksionit për Hetimin e Krimeve Ekonomike e Financiare ne D.V.P. Gjirokastër, të cilët bënë sekuestrimin e shumës së eurove dhe në bashkëpunimin me Prokurorinë filluan procedimin penal ndaj 46-vjeçares për veprën penale “Mosdeklarimi në kufi i të hollave dhe i sendeve me vlerë”./ Opinion.al E.Xh.
