Pas deklaratave të Melissa Satta se largimi i tij do t’i shërbente për mirë dhomës së zhveshjes së Milan, Sinisa Mihajlovic është kundërpërgjigjur duke thënë se femrat nuk duhet të flasin kur vjen puna për futboll. Tekniku serb është përjashtuar nga posti i trajnerit të AC Milan ditën e martë pa mbushur as edhe një sezon të vetëm me “Kuq e Zinjtë”, dhe Christian Brochi do të jetë zëvendësuesi i tij. Teksa tifozët mendojnë se serbit duhet t’i ishte dhënë më shumë kohë, e dashura e Boateng Satta nuk ka të njëjtin mendim.
Satta mendon se atmosfera në dhomat e zhveshjes do të jetë më e mirë pas largimit të trajnerit serb “Nuk jam nga ata që diskriminon, por femrat nuk duhet të flasin për çështje futbolli, nuk është tema e tyre,” shprehet Sinisa për la Notizia. “Nuk duhet të më pyesni mua për shkarkimin por presidentin Berlusconi. Unë do doja t’i falënderoja të gjithë tifozët e Milan për mirësinë e treguar. Kjo do të thotë se më kanë respektuar si njeri,” ishin deklaratat e ishtrajnerit të Milan për sa i përket shkarkimit të tij.
