Microsoft ka denoncuar tentativat e disa hakerave rusë dhe koreano-veriorë për të sulmuar faqet e kompanive kryesore që po punojnë për zhvillimin e vaksinës anti-Covid.
Sipas Microsoft, këta hakera të mbështetur nga strukturat shtetërore përkatëse kanë tentuar të vjedhin të dhëna të vyera rreth vaksinës kundër Covid-19.
Kolosi i web ka identifikuar disa grupe piratësh informatikë që kishin si objektiva kompani në Kanada, Francë, Indi, Kore e Jugut dhe Shtetet e Bashkuara. Sipas Microsoft, pjesa më e madhe e këtyre sulmeve nuk kanë pasur sukses.
