Michelle Obama, ish- Zonja e Parë e Amerikës ka publikuar ditën e sotme mesazhet që mori nga nëna e saj, Marian Lois Robinson, pas ceremonisë së “Grammy Awards”.
Sipas mesazheve të shkëmbyera mësohet se, Michelle kishte harruar t’i thoshte të ëmës që do të shfaqej në eventin e ndarjes së çmimeve. E ëma e pyet nëse ka takuar ndonjë yll të vërtetë atje ndërsa batutat mes tyre janë thjesht epike.
“Kur mami nuk mendon se je një e famshme ‘e vërtetë’”, shkruan Michelle në postimin e saj në Instagram.
Mesazhet e plota:
E ëma e Michelle: Mendoj se ishe një hit te “Grammys”.
Michelle: Jam ulur këtu me Valerie dhe ky tekst është kaq tipik nga ti. E pe?
E ëma e Michelle : A takove ndonjë nga yjet e vërtetë apo ia mbathe menjëherë sapo mbarove punë?
Michelle: Të thashë që do të isha…
E ëma e Michelle: Jo s’më the. Do ta mbaja mend edhe pse nuk mbaj mend shumë.
Michelle: Mendova se të thash. Dhe unë jam një yll i vërtetë, meqë ra fjala.
Mami: Po.
