Fundjava do të sjellë rënie temperaturash dhe stuhi ere në të gjithë vendin. Është ky parashikimi i meteorologes Lajda Porja e cila thotë se nga e diela e deri të mërkurën do të kemi temepratura tipike të dhjetorit, shoqëruar edhe me erë të fortë, çka do të bëjë që i ftohti të ndjehet më shumë.
“Duke nisur nga mesnata e së shtunës pritet ardhje të masave ajrore nga Poli i Veriut duke bërë që vendet e rajonit dhe Shqipëria të kenë rënie të menjëhershme të temperaturave që do të shkojnë në 1 apo 2 gradë në zonat malore dhe maksimumi nga 25- 26 gradë që kanë qenë këto ditë, do të jenë jo më shumë se 19 gradë. Pra do të kemi një rënie të ndjeshme të vlerave termike. Do të jetë një dimër i shkurtër, që pritet të zgjasë deri ditën e mërkruë. Një dimër i shkurtër në zemër të vjeshtës. Pas të mërkurës temperaturat do të jenë në vlerat titpike të vjeshtës. Problmatike e shtuna do të ketë reshjet gjatë natës, ndërsa e diela do ketë fuqizim të erës që do të bëjë që të ftohtin ta ndiejmë edhe më shumë. Priten që stuhitë e erës të mbeten edhe në fillimin e javës tjetër”, tha ne News 24 meteorologia Porja./Opinion.al
