Presidenti i vendit, Ilir Meta ka zhvilluar një takim me prefektin e Lezhës, Gjok Jaku. Ndërsa ka vlerësuar punën e bërë nga institucionet lokale në përballimin e kësaj situate, ai apeloi për më shumë bashkëpunim mes tyre.
“Vlerësoj punën dhe angazhimin e prefektit në këtë situatë, është bërë një punë e mirë si masë parandaluese. Duhet të bëhen përpjekje të mëdha nga të gjithë institucionet për tejkalimin e situatës.”, u shpreh Meta.
Sa i takon masave të marra nga qeveria, Presidenti u shpreh se “është bërë përpjekje dhe e rëndësishme është të ketë frymë më të madhe bashkëpunimi mes të gjithë autoriteteve dhe qytetarëve.
Ndërsa në lidhje me emigrantët e mbetur në kufi, Meta ka theksuar se “duhet të merren masa për të realizuar karantinimin e tyre, por apelojmë që të evitohet lëvizja në këtë periudhë. Duhet të bëhet cdo përpjekje për t’i ndihmuar ata”./Opinion.al
