Presidenti i Republikës Ilir Meta ka takuar sot Sekretarin e Shtetit të Amerikës, Mike Pompeo me të cilin siç njofton presidenti, kanë ndjekur fjalën e Presidentit të SHBA, Donald Trump në Mëngjesin e Lutjeve në Uashington.
Meta ishte i ftuar në Uashington në kuadër të një darke zyrtare të organizuar në Departamentin e Shtetit, nga Sekretari Amerikan i Shtetit, Michael Pompeo, me Aleancën Ndërkombëtare për Mbrojtjen e Lirive Fetare.
“Edhe unë bashkohem me vlerësimet më të mira që bëri Presidenti Trump për rolin e veçantë të Sekretarit Pompeo dhe Ambasadorit të posaçëm Sam Brownback për Aleancën Ndërkombëtare për Mbrojtjen dhe Avancimin e Lirive Fetare. Krenar për modelin tonë të shkëlqyer të harmonisë fetare dhe mbështetjes që i japim lirisë së besimit kudo në botë. Zoti e bekoftë miqësinë shqiptaro-amerikane!”, ka shkruar presidenti Meta në Facebook.
Më herët ai njoftoi se në fjalën e tij kishte theksuar se “Shqipëria do vazhdojë të jetë shembull i harmonisë ndërfetare dhe një mbështetëse aktive e Aleancës”. /Opinion.al
Lexo edhe: Meta takon Pompeon: Shqipëria do vazhdojë të jetë shembull…
