Presidenti Ilir Meta ka dekoruar ditën e sotme me Titullin e lartë “Kalorës i Urdhrit të Skënderbeut” ambasadoren e Greqisë në vendin tonë Eleni Sourani.
Në këtë dekorim ishin të pranishëm ambasadorë dhe përfaqësuesve të turpit diplomatik të akredituar në Tiranë, të ish-ministrave të Jashtëm dhe diplomatëve shqiptarë dhe personaliteteve të ndryshme.
Presidenti i dorëzoi titullin e lartë ambasadores Sourani me motivacionin: “Në vlerësim të veprimtarisë së spikatur diplomatike dhe kontributit të çmuar për avancimin e gjithanshëm dhe forcimin e marrëdhënieve dypalëshe dhe partneritetit strategjik ndërmjet Republikës së Shqipërisë dhe Republikës Helenike, në pasurimin e mëtejshëm të marrëdhënieve miqësore ndërmjet dy popujve tanë fqinj, si dhe për mbështetjen e sinqertë ndaj procesit të integrimit europian të vendit tonë”.
Gjatë fjalës së tij, Meta u shpreh se; “shqiptarët dhe grekët jetojnë historikisht krah për krah njëri-tjetrit si fqinj ndaj na duhet të jetojmë dhe të punojmë së bashku për paqen, prosperitetin, stabilitetin në vendet tona dhe në mbarë rajonin, si dhe për të ardhmen e përbashkët në Europën e Bashkuar!”/ Opinion.al E.Xh.
