Presidenti Ilir Meta po zhvillon një vizitë zyrtare në Mal të Zi, ku u prit në ceremoni shtetërore nga Presidenti i Malit të Zi, Milo Gjukanoviç. Gjatë konferencës së përbashkët për shtyp Meta renditi projektet që po zhvillohen për të lehtësuar shkëmbimet tregtare dhe ndërkulturore mes dy vende.
“Autostrada Adriatiko-Joniane dhe gazësjellësi i TAP-it, janë dy projekte madhore, të cilat së bashku me ruajtjen e menaxhimin e Liqenit të Shkodrës, të Pikave të Kalimit Kufitar, ndërtimi i korridoreve rrugore do të sjellin një mundësi të shkëlqyer për t’u dhënë zgjidhje pengesave, që ende hasin qytetarët në të dy anët e kufirit”, tha Meta.
Presidenti foli edhe për shqiptarët etnik që jetojnë në Malin e Zi dhe respektimin e të drejtave të pakicës malazeze në vendin tonë.
“Jam krenar për përkushtimin e shqiptarëve këtu në Malin e Zi, që nga pavarësia, që nga shtetformimi dhe në vijimësi për të gjithë mbështetjen e palëkundur që i kanë dhënë forcimit të shtetit të Malit të Zi dhe integrimit të tij euro-atlantik dhe në Bashkimin Europian”, tha ai.
/Ri-De
