Pas situatës së rëndë të krijuar me zjarret në vend, Presidenti i Republikës Ilir Meta është nisur në mesnatë drejt Kalimashit.
Meta ka njoftuar se tuneli i Kalimashit tashmë është i kalueshëm falë ndërhyrjes së strukturave zjarrfikëse të Kukësit dhe të Kosovës.
Po ashtu kreu i shtetit thekson se në orët e para të mëngjesit të sotëm do të bashkohen më shumë forca për të fikur zjarret në malin e Rrunës.
“Tuneli i Kalimashit plotësisht i kalueshëm dhe i sigurt. Falënderim për angazhimin operacional të strukturave zjarrfikëse të Kukësit dhe të Kosovës. Ndërsa vazhdon puna për të mbrojtur tunelin, sot në orët e para të mëngjesit pritet një operacion me më shumë forca për të fikur zjarret në të gjithë malin e Rrunës, për të mbrojtur jetët njerëzore dhe banesat e Shëmrisë”, bën me dije Meta.
