Presidenti Ilir Meta, me anë të një postimi në “Facebook”, u ka bërë thirrje të gjithë shqiptarëve të Maqedonisë, të votojnë pro referendumit.
Postimi:
“Sot, qytetarët e Maqedonisë janë thirrur të vendosin për të ardhmen e tyre. Pjesëmarrja sa më e madhe e tyre në referendum është vendimi i duhur, i mençur dhe i përgjegjshëm në këtë ditë historike për ta. Shqiptarët e Maqedonisë kanë sot sërish mundësinë të tregojnë përkatësinë e tyre euro-atlantike jo vetëm duke votuar qartësisht PRO, por sidomos duke marrë pjesë masivisht në këtë votim historik për të ardhmen e Maqedonisë.”, ka shkruar Meta.
