Presidenti Ilir Meta ka uruar në telefon, kryeministrin e sapo shpallur të Greqisë, Kyriako Mitsotakis, për fitoren në zgjedhjet e përgjithshme që u zhvilluan ditën e djeshme.
Lajmin e ka bërë të ditur vetë presidenti me një postim në Twitter ku shton se është optimist se marrëdhëniet me vendin fqinj do të fuqizohen akoma më shumë. Meta e sheh progresin e Greqisë edhe në të mirë të emigrantëve shqiptarë që jetojnë atje.
“Kënaqësi t’i uroja sot gjatë një bisede tel., shumë suksese, kryeministrit të ri të @kmitsotakis. Shpresëplotë se marrëdhëniet do fuqizohen akoma më shumë në interes të 2 popujve. Progresi , shumë i rëndësishëm për shqiptarët që jetojnë atje&për të ardhmen e përbashkët” shkruan Meta në Twitter.
Kyriako Mitsotakis u betua sot për detyrën e tij të re si kreu i qeverisë greke. Gjatë fushatës së tij ai ka thënë në lidhje me Shqipërinë se do të rishikojë marrëdhëniet në bazë të respektimit të të drejtave të minoritetit grek këtu. Nëse këto të drejta ka thënë ai nuk merren në konsideratë nga qeveria shqiptare atëherë Greqia do të bllokojë perspektivën Shqiptare drejt Bashkimit Europian. /Opinion.al
Kënaqësi t’i uroja sot gjatë një bisede tel., shumë suksese, kryeministrit të ri të??@kmitsotakis. Shpresëplotë se marrëdhëniet????do fuqizohen akoma më shumë në interes të 2 popujve. Progresi i??, shumë i rëndësishëm për shqiptarët??që jetojnë atje&për të ardhmen e përbashkët??. pic.twitter.com/zOpwx1oE0W
— Ilir Meta (@ilirmetazyrtar) July 8, 2019
