Presidenti Ilir Meta bën thirrje për vetëpërmbajtje. Teksa protesta para Parlamentit është tensionuar, kreu i shtetit shqiptar po ashtu thekson se duhet të ketë shmangie të incidenteve dhe provokimeve.
Nga ana tjetër ka reaguar dhe ministri i Brendshëm, Sandër Lleshaj. Ky i fundit në postime në rrjetet sociale ka një thirrje për kreun e opozitës.
“I bëj thirrje Lulzim Bashës që të ndalojë sulmin ndaj forcave të Policisë së Shtetit!”, shkruan Lleshaj.
“Një oficer policie është dëmtuar nga mjetet e ndaluara shpërthyese që hodhën protestuesit. Drejtuesit e protestave duket se kanë financa të mëdha për të blerë mjete shpërthyese të ndaluara, por edhe vullnet të plotë për të goditur forcat e rendit”, thekson më tej ministri. / Opinion.al
