Presidenti Ilir Meta ka kërkuar mëngjesin e sotëm marrjen e masave të forta për të parandaluar depërtimin e Koronavirusit në vendin tonë.
Meta është shprehur për mediat se; “rastet në Itali dhe një rast në një vend tjetër fqinj e tregojnë qartë se jemi seriozisht të ekspozuar dhe duhet të parandalojmë me çdo kusht dhe mjet depërtimin e virusit në vendin tonë”.
Presidenti tha se Shqipëria ka eksperiancë në lidhje me parandalimin e viruseve, duke dhënë shembull parandalimin e virusit SARS i cili shkaktoi qindra viktima.
Deklarata e Metës
Mendoj se pas shpalljes së gjendjes së emergjencës globale nga OBSH duhen marrë masat më të forta të mundshme, sanitare dhe epidemiologjike për të parandaluar këtë virus për të penetruar në vendin tonë. Aq më tepër kur janë konstatuar dy raste në Italinë fqinje.
Është koha për të marrë masat më të forta, Shqipëria ka një eksperiencë si parandalimi i suksesshëm i SARS dikur, por është e rëndësishme të theksohet se çdo nënvleftësim mund të jetë me pasoja kritike, inkurajoj masat më të forta parandaluese
Jemi ne një proces komunikimi, rastet në Itali dhe një rast në një vend tjetër fqinj e tregojnë qartë se jemi seriozisht të ekspozuar dhe duhet të parandalojmë me çdo kusht dhe mjet depërtimin virusit në vendin tonë./ Opinion.al
