Presidenti i Republikës Ilir Meta ka deklaruar ditën e sotme se taksat u merren vetëm atyre bizneseve, të cilët nuk janë të lidhur me qeverinë.
Nëpërmjet një postimi në rrjetet sociale, Meta shkruan se vendi ka barrën fiskale më të lartë dhe të ardhurat publike më të ulta, krahasuar me vendet e rajonit
Duke u shprehur se investitorët largohen, sepse bizneset nuk mbështetet njëlloj, Meta thekson që është koha të forcojmë ekonominë duke luftuar pabarazinë, korrupsionin dhe klientelizmin politik.
“Shqipëria ka barrën fiskale më të lartë dhe të ardhurat publike më të ulta, krahasuar me vendet e rajonit.
Arsyeja është e thjeshtë: taksat ju vilen vetëm bizneseve, që nuk janë të lidhura me qeverinë.
Bizneset nuk mbështeten njësoj, ndaj investitorët largohen.
Të forcojmë ekonominë duke luftuar pabarazinë, korrupsionin dhe klientelizmin politik!
Një klimë e mirë biznesi do të thotë më shumë vende të reja pune, më shumë investime, më shumë zhvillim.
Të ndihmojmë biznesin, për të ndalur shpopullimin!”- shkruan Meta në Facebook./Opinion.al
