Presidenti Ilir Meta ka zhvilluar një takim me Raporteren për Shqipërinë, eurodeputeten Isabel Santos.Në një postim në rrjetet sociale kreu i shtetit shkruan se ka vlerësuar angazhimin e saj në mbështetjen e nisjes së negociatave të anëtarësimit të Shqipërisë në BE.
“Kënaqësi të takohesha me Raporteren për Shqipërinë, Eurodeputeten Isabel Santos. Vlerësova angazhimin e saj dhe të Parlamentit Europian në mbështetje të nisjes së negociatave të anëtarësimit me Shqipërinë. Ramë dakord se krimi i organizuar dhe emigracioni përbëjnë shqetësim serioz, që duhet trajtuar me përparësi”, shkruan Meta në një postim në rrjetet sociale.
Po ashtu duke nisutr nga fgakti që dita e sotme shënon 11-vjetorin e vendimit të Këshillit Europian për liberalizmin e vizave me Shqipërinë, Meta thotë se është e domosdoshme që ky procestë përmbyllet me liberalizimin e vizave edhe me Kosovën.
“Është e domosdoshme, që ky proces të përmbyllet me rajonin tonë, duke liberalizuar sa më parë vizat edhe me Kosovën, të vetmit vend që nuk i është mundësuar ende kjo e drejtë edhe pas plotësimit të të gjitha kushteve. Theksova gjithashtu rëndësinë e bashkëpunimit rajonal, duke u ndalur edhe në situatën shqetësuese të krijuar në Bosnje-Hercegovinë, së cilës Bashkimi Europian duhet t’i kushtojë vëmendjen e duhur pa humbur kohë”./Opinion.al
