Presidenti i Republikës Ilir Meta është takuar me homologun e tij të Maqedonisë së Veriut, Stevo Pendarovski.
Fokusi i takimit të tyre sipas Metës është bashkimi i përpjekjeve të dy vendeve për të arritur çeljen e negociatave për anëtarësimin në BE në muajin tetor.
Gjithashtu në postimin e tij në rrjete sociale Meta vuri theksin edhe tek dekreti që ai ka lëshuar një muaj më parë për realizimin e zgjedhjeve më 13 Tetor dhe anulimin e datës 30 Qershor.
Ai e ka cilësuar këtë kohë si një muaj të shpërdoruar që nga dekreti për anulimin e zgjedhjeve të 30 qershorit, për arritjen e një zgjidhje gjithpërfshirëse që forcon besueshmërinë e vendit për zgjedhje të lira e të ndershme.
“Kënaqësi e veçantë të takoja Presidentin e Maqedonisë së Veriut, z.Stevo Pendarovski. Të dy vendet tona duhet të bashkojnë përpjekjet për çeljen e negociatave për anëtarësim në tetor. Duhet të përfitojmë nga ky momentum mjaft pozitiv që ka krijuar Marrëveshja e Prespës, jo vetëm për Maqedoninë e Veriut.
Ndërkohë sot bëhet një muaj i shpërdoruar kot që nga dekreti për anullimin e zgjedhjeve të 30 qershorit, për arritjen e një zgjidhje gjithpërfshirëse që forcon besueshmërinë e vendit për zgjedhje të lira e të ndershme.
Po kështu ishte kënaqësi të konstatoja vendosmërinë e Presidentit Pendarovski për të bashkëpunuar dhe përfshirë opozitën në dialog për çështjet themelore të shtetit dhe demokracisë,”-përfundon Presidenti./Opinion.al/
