Këtë të mërkurë presidenti Ilir Meta dhe kreu i Lëvizjes Vetëvendosje, Albin Kurti janë takuar në Tiranë.
Për takimin e zhvilluar në ambientet e Presidencës, Meta shkruan në rrjetet sociale se ka qenë “një takim vëllazëror” dhe se e ka uruar “për fitoren, por mbi të gjitha për procesin e shkëlqyer zgjedhor, që realizoi Kosova”.
Presidenti thotë se me Kurtin ka diskutuar dhe për forcimin e bashkëounimit mes Kosovës dhe Shqipërisë.
“Ndamë shumë ide të vyera për forcimin e gjithanshëm të bashkëpunimit mes dy vendeve tona dhe përshpejtimin e proceseve integruese, për të garantuar një të ardhme më të mirë dhe të sigurt europiane, që meritojnë qytetarët tanë”- përfundon postimin e tij Presidenti./ Opinion.al
