Presidenti i Republikës Ilir Meta ka bërë me dije se ditën e sotme ka takuar Ambasadorin Grenell.
Lajmin e ka bërë të ditur vetë Presidenti teksa nëpërmjet një njoftimi në Facebook ai bënë njofton se i ka dhuruar librin “Albania from the Air” mbi mrekullitë natyrore të vendit.
Gjithashtu në statusin e tij Meta shkuan se Grenell ishte duke promovuar investimet amerikane dhe bashkëpunimin ekonomik në rajon.
Kujtojmë që më herët vetë Grenell ka publikuar një foto me kryeministrin Edi Rama në “Instagram”.
Postim i Presidentit Meta:
Ishte kënaqësi të takoja këtë mëngjes Ambasadorin Grenell. Mbështes përpjekjet e tij të vazhdueshme për të promovuar investimet amerikane dhe bashkëpunimin ekonomik në rajon, si e vetmja mënyrë për të garantuar mirëqenie për të gjithë qytetarët tanë dhe veçanërisht brezin e ri.
Përpara vizitës të tij në Jug të vendit i dhurova librin “Albania from the Air”, një botim i veçantë mbi mrekullitë natyrore shqiptare, pasi jam i sigurt se herën tjetër ai do të shpenzojë më shumë kohë për të eksploruar Shqipërinë tonë të bukur.
