Presidenti i vendit Ilir Meta ka përdorur një shorehje të Hasan Prishtinës në 88-vjetorin e vdekjes së tij, për të sjellë në vëmendje çështjen e shpopullimit të shqiptarëve, të cilën ai e cilëson një plagë të madhe.
Përmes një postimi në Facebook, presidenti thotë se I duhet kthyer rinisë shpresa dhe besimi.
Postimi i plotë
“Njeriu pa kombin është asgjë, e kombi pa brezat e ardhshëm shuhet”.
I vrarë pabesisht 88 vite më parë, kjo thënie e kolosit të politikës dhe çështjes shqiptare, patriotit të paharruar Hasan Prishtina, është më aktuale se kurrë.
Sot kur Shqipëria vuan plagën e madhe të shpopullimit është detyra jonë t’i kthejmë rinisë shpresën dhe besimin për ndërtimin e së ardhmes së sigurt europiane në Atdhe.
