Presidenti Ilir Meta ka deklaruar se shpreson që Shqipërisë do ti çelen negociatat me Bashkimin Europian në tetor bashkë me Maqedoninë e Veriut.
Në një postim në Twitter, Meta ka ndarë disa foto nga Samiti i Sarajevës dhe ka shprehur mirënjohjen për kancelaren Merkel për mbështetjen që ajo i ka dhënë perspektivës së Ballkanit Perëndimor drejt BE-së.
“Përparimi i të gjitha vendeve të Ballkanit Perëndimor në procesin integrues për në Bashkimin Europian është thelbësor.
Mbetemi të përkushtuar dhe me shpresë se Këshilli i BE-së do të vendosë në tetor për të hapur negociatat e anëtarësimit me Shqipërinë dhe me Maqedoninë e Veriut fqinje.
I jemi mirënjohës vizionit të Kancelares Angela Merkel, që u përsërit edhe në Samitin e fundit të Poznanit, se dhënia e mundësisë vendeve të Ballkanit për t’i bashkëngjitur BE-së është në interesin strategjik të bllokut komunitar europian” ka shkruar Meta në Twitter. /Opinion.al
