Presidenti Ilir Meta ka shpërndarë këtë të dielë në rrjetet sociale një pjesë nga fjala e nënë Lizës në Komisioni e Ligjeve, ku u diskutua për shembjet e banesave te “5 Maji”.
Kreu i Shtetit e ka cilësuar fjalimin e saj si një leksion kulture dhe dije për deputetët.
Meta shprehet se ajo është sot zëri i fuqishëm i shumë shqiptarëve që vuajnë sot dhunën e pushtetit që nuk pyet as për të moshuarit dhe foshnjat në mes të dimrit dhe të ftohtit. Më tej Presidenti thotë se shqiptarët nuk janë kavje eksperimentale.
“Leksion kulture dhe dije deputetëve nga Nënë Liza. Është zëri i fuqishëm i shumë shqiptarëve, që vuajnë sot dhunën e një pushteti arrogant dhe kleptokrat, që nuk pyet as për të moshuarit dhe foshnjat në mes të dimrit dhe të ftohtit. Nënë Liza, shembull frymëzues për protesta paqësore kundër një regjimi arbitrar dhe policesk. Mjaft me dhunimin e të drejtave të njeriut! Qytetarët shqiptarë nuk janë kavje eksperimentale”, shkruan Meta./Opinion.al
