Presidenti i Republikës, Ilir Meta ka mbërritur në Kryesinë e Kuvendit për të dëshmuar në Komisionin hetimor.
Meta e përshkoi në këmbë rrugën nga presidenca deri në kryesinë e kuvendit. Ai u shpreh se nuk i druhet kësaj përballjeje dhe se deri në përfundim të mandatit do të jetë në detyrë për të mbrojtur Kushtetutën.
Meta shoqerohej nga 3 këshilltarë: Keshilltari per Sigurine, Bahri Shaqiri; Keshilltari Ligjor, Bledi Dervishaj dhe Keshilltari per Mediat, Tedi Blushi.
Komisioni për të hetuar shkeljet e Kushtetutës së Metës u ngrit dy muaj më parë me kërkesë të mazhorancës parlamentare. Dekreti për anulimin e datës së zgjedhjeve të 30 qershorit konsiderohet nga mazhoranca si anti-kushtetues dhe gjithashtu shkelje e rëndë e saj, sepse sipas Kushtetutës presidenti mund të shkarkohet ndër të tjera “kur bën shkelje të rënda kushtetuese”.
Meta nga ana tjetër ka cilësuar procesin e 30 qershorit si anti-kushtetues pasi ai është institucioni i vetëm që mund të shpallë datën e zgjedhjeve. /Opinion.al
