Në konferencën për mediat të mbajtur ditën e sotme, kreu i Partisë së Lirisë, Ilir Meta akuzoi kryeministrin Edi Rama se nxit grupe kriminale për të spostuar vëmendjen kur ka ngjarje të fokusuara te vetë kryeministri ose qeveria e tij për korrupsion.
“Qëllimi i tij është të shpikë konflikte, rrëmujra. Madje ka dhe të dhëna që kur ka ngjarje të fokusuara te qeveria e tij dhe ky vetë për korrupsion nxit grupe kriminale për të kryer akte që të dalë në plan të parë kronika e zezë dhe të shmanget vëmendja. Mos u habisni edhe për këto gjëra”-tha Meta.
