Presidenti i Shqipërisë, Ilir Meta ka reaguar pas akuzave të kryeministrit Edi Rama, cili tha se ai takohet subjekt të OFL.
Meta tha se më 25 prill do të ndodhet në qytetin e Vlorës për të siguruar zgjedhjet e lira, teksa shtoi se është shumë krenar që takohet me Bujar Leskajn, drejtuesin politik të PD në këtë qytet.
Për kryeministrin, Presidenti tha se ai ka një kartelë të psikiatrisë. Meta ka paralajmëruar kandidatin e PS-së, Damian Gjiknurin duke thënë se ai e kishte ftuar po nuk kishte ardhur në tryezën me gazetarët. Sipas Metës, Damian Gjiknuri duhet të bëjë kujdes pasi sipas tij nuk ka “kartelë në psikiatri”.
“Në 26 prill, jam i sigurt që Vlora do të bëjë më të mirën për t’ia trajtuar në spitalin e saj psikiatrik, nuk është ky shqetësimi, por shqetësimi është të paralajmëroj Damianin që keqpërdoret dhe nuk erdhi mbrëmë në darkën që kishim me gazetarët e Vlorës, ku u ftua të ishte pjesë për të diskutuar për mbarëvajtjen e fushatës elektorale në Vlorë. Kryeministri në detyrë ka një kartelë të psikiatrisë, që nga koha e komunizmit, të cilën ua kam thënë para disa a ditësh dhe do ua them në Vlorë, më 25 prill në Vlorë, ku shqiptarët të tregojnë ai do të tregojë kartelën. Por Damiani s’ka kartë mjekësore të tillë. Kështu të bëjnë kujdes dhe të mos e rëndojnë pozitën e tyre para sovranit. Në Vlorë do të jem nga sot deri më 25 prill. Do të jem ditën dhe natën, siç kam ftuar edhe mbrëmë Damianin, ftoj dhe Edi Ramën nëse ka shqetësim apo merak, këtu më ka mua, për të mbrojtur zgjedhjet e lira. Kujton tërmeti që në Vlorë do të bëjë ato ç’kanë bërë në Dibër dhe Shijak, zot na ruaj se Vlora bën Fora dhe dora e Vlorës është e pa mëshirshme”, tha Meta./ Opinion.al
