Presidenti Ilir Meta i ka propozuar kuvendit emrin e Bahri Shaqirit si kandidature për në krye të Kontrollit të Lartë të Shtetit.
Lajmi bëhet i ditur nga vetë institucioni i presidencës që njofton se : “Presidenti i Republikës me Dekretin nr. 11063, datë 19.01.2019, ka vendosur t’i propozojë Kuvendit të Shqipërisë që z. Bahri Shaqiri të zgjidhet në pozicionin Kushtetues të Kryetarit të Kontrollit të Lartë të Shtetit”.
Sipas propozimit qe Meta i drejton Kuvendit, Bahri Shaqiri, plotëson të gjitha kushtet dhe kriteret ligjore për t’u emëruar në këtë pozicion, si dhe është një kandidaturë me eksperiencë në drejtimin e institucioneve.
Kujtojmë që emri i zotit Shaqiri ka qenë i njohur në drejtimin e institucionit të SHISH, ndërkohë që prej vitit 2017 mban detyrën e Këshilltarit të Presidentit për çështjet e Sigurisë Kombëtare.
Pas përfundimit të mandatit të kreut të KLSH Bujar Leskaj, më herët presidenti kishte propozuar për këtë pozicion emrin e gjyqtares Vitore Tusha, por parlamenti e rrëzoi në votimin e Dhjetorit të vitit 2018./ M.B
