Presidenti, Ilir Meta, ka publikuar foto nga ceremonia e mbajtur ditën e sotme në fillim të shërbesës së Arqipeshkvit Metropolitan, Imzot Arjan Dodaj.
Në një status në rrjetet sociale, Meta shkruan se ka qenë i nderuar të marrë pjesë në këtë meshë, teksa shfaqet pranë kryetares së Kuvendit Lindita Nikolla ndërsa në një rresht pranë tij ndodhet i ulur edhe kryeministri Edi Rama me bashkëshorten, Linda Rama.
“I nderuar të marr pjesë sot në një ngjarje shumë të rëndësishme për besimtarët katolikë të Arqidioqezës Tiranë-Durrës, në Meshën e Shenjtë të fillimit të shërbesës baritore të Arqipeshkvit Metropolitan Imzot Arjan Dodaj.
Bashkohem me lutjet dhe urimin e përzemërt për punë të mbarë, me bekimet e Zotit, për përmbushjen me sukses të misionit dhe detyrës së re të Sh.T. Imzot Arjan Dodaj.”, shkruan Meta.
