Pasi u mori në pyetje dhe sulmoi SPAK, sot kryetari i PL, Ilir Meta ka ndarë me ndjekësit një tjetër video nga udhëtimet e tij. Këtë herë Meta ka postuar një video, ku shprehet se është nisur drejt Roskovecit.
Kreu u PL, thotë se po shkon në këtë bashki për ta mbrojtur nga kryeministri Edi Rama, i cili sipas tij, duke ndërtuar një TEC, po i shkatërron burkuritë Roskovecit.
“Mirëmëngjes të dashur miq, bashkë me urimin për një fundjavë të mbarë! Po shkoj drejt Roskovecit, për të mbrojtur komunitetin e mrekullueshëm atje nga Kryebanditi Edi Rama, i cili kërkon të shkatërrojë bukuritë dhe potencialet e jashtëzakonshme të kësaj treve për zhvillim, si dhe t’i helmojë banorët me ndërtimin e TEC-it”,-shkruan Meta.
