Ditën e sotme kryetari i Partisë Demokratike, Lulzim Basha ka zhvilluar një bashkëbisedim me gazetarët, ku ka folur në lidhje me situatën krijuar nga pandemia COVID-19 dhe zhvillimet e fundit politike.
Gjatë bashkëbisedimit, Basha është është pyetur në lidhje me rolin dhe qëndrimin e presidentit Ilir Meta për krizën politikë në vendin dhe për faktin nëse ky i fundit po luan rolin e kreut të opozitës.
Kryedemokrati është përgjigjur duke thënë se presidenti është në rolin e tij, ndërsa beteja e opozitës për standardet zgjedhore ka qenë betejë e përditshme.
“Vetëm nëse mendoni se unë kam marrë përsipër rolin e presidentit të Republikës Ai është në rolin e tij. Beteja jonë për standardet zgjedhore ka qenë betejë e përditshme dhe do të jetë. S’mund t’i vendoset krizës shëndetësore dhe ekonomike që po bëjnë kërrdinë në xhepat e shqiptarëve. Përpara kemi një grup të strukturuar kriminal që po e lë me qëllim pandeminë të përparojë, krizën, të cilat do të shërbenin për të forcuar shëndetësinë, pasi i duan t’i vjedhin dhe t’i gllabërojnë. Këto janë llogaritë e grupit të strukturat të Ramës. Pse duhet Rama t’i paguaj një pensioni 100 mijë lekë për 6 muaj, apo një të papuni?! Kjo është llogaria e Edi Ramës, që ta çojë gjendjen sa më keq, që të shpërndajë ndihma me pikatore. Ato lekë i do që të blejë dinjitetin e shqiptarëve. Është një kolaps, një vend pa institucione, republike pa institucione. Fati i shqiptarëve ka mbetur në dorën e një bande hajdutësh. Ditë për ditë përdridhen dhe i grabisin popullit miliona euro”, -tha Basha./ Opinion.al
