Kreu i Partisë së Lirisë, Ilir Meta, në një konferencë për mediat këtë të enjte foli edhe për emrat e kandidatëve për këshillin bashkiak të Tiranës. Meta tha se është ndjekur një procedurë transparente me një komision të drejtuar nga deputeti i PL, Petrit Vasili për zgjedhjen e kandidatëve.
Sakaq, Meta pohoi edhe një herë koalicionin me ish-kryeministrin Sali Berisha. Ai tha se me Berishën ka hedhur firmë dhe janë betuar solemnishit për të larguar regjimin e kryeministrit Rama.
“Kemi ndjekur procedurë transparente për kandidatet për këshilla bashiake. Komisioni i drejtuar nga Vasili ka bërë një vlerësim përfundimtar të kësaj liste, në bazë të aplikimeve të pertinenteve. Mund t’ju konfirmoj se lista me 26 emra e parë është e miratuar nga kryesia, pjesa tjetër është zyrtarizuar nga komisioni përkatës, pasi secili të plotësojë dokumentet përkatës. Lista drejtohet nga Silva Caka, dhe nga figura të tjera të Partisë së Lirisë, si Braimllari, Kërpaçi, Tedi Blushi, Ana Zizaj, etj”-tha Meta.
Më tej, Meta theksoi se Partia e Lirisë përkrah kandidatët e Primareve, duke shtuar se; “do kemi emrat tanë për këshillat bashkiakë”.
“Nuk ka asnjë risk apo opsion që do të përzgjidhet nga PD dhe nga Partia e Lirisë, dhe partitë e tjera opozitare të vërteta. Tashmë është e qartë se ne përkrahim kandidatët e Primareve, nga Tropoja e deri në Sarandë e Konispol. Edhe Partia e Lirisë do ketë kandidatët e saj për këshilla dhe PD po ashtu. Është më e sigurt se këto zgjedhje do të kenë një referendum për të shporrur një regjim monist.”, shtoi Meta.
