Ish-kreu i LSI-së, Ilir Meta i është përgjigjur nga studio e emisionit “Opinion”, kryeministrit Edi Rama, i cili sonte tregoi në një intervistë me Rudina Xhungën një video ku dukej qartë se sa pak qytetarë ishin mbledhur në mitingun përmbyllës të LSI-së në Berat.
Meta theksoi se koha e cirkut mbaroi, në lidhje me vërtetësinë e kësaj video e di gjithë populli i Beratit se sa persona ishin. Sipas tij, këto janë makinacione të kota.
Meta deklaroi se Edi Rama gjatë gjithë jetës së tij është marrë me këto gjëra, por i kërkoi drejtuesit të emisionit që të publikojë një video të mitingut përmbyllës në Berat.
Kryeministri Rama tregoi, sonte, në një intervistë me Rudina Xhungën një video që i kishin dërguar nga Berati, ku LSI mbajti mitingun përmbyllës elektoral në këtë qytet. Sipas Ramës, në video dukej qartë se sa pak qytetarë ishin mbledhur në këtë miting.
