Presidenti Ilir Meta në një konferencë për shtyp ditën e sotme deklaroi se opozita do të arrijë të marrë 90 mandate në zgjedhjet parlamentare të 25 prillit.
Ai tha se të gjitha sondazhet që kanë dalë deri tani janë të blera nga kryeministri Edi Rama.
“Të gjitha sondazhet që kanë dalë deri tani janë të gjitha të blera nga Edi Rama. Opozita ka 90 mandate, po të dojë të shesë ndonjë, le ta bëjë. Nuk e fal Ilir Meta as këtë gjë. Do t’i drejtohet të gjithë popullit opozitar”, tha Presidenti në konferencë për mediat”, tha Meta.
Më tej Presidenti ritheksoi edhe njëherë që do të jetë në Vlorë në 25 prill dhe do të verifikojë të gjithë komisionerët.
“Vlora do t’ia bëjë fora. Unë do të jem atje në numërimin e votave. Dhe do të verifikoj të gjithë komisionerët , të opozitës të paktën, sepse kanë detyrë të japin jetën për të mbrojtur votën e vlonjatëve. Dhe në të gjithë Shqipërinë. Prandaj larg duart nga zgjedhjet, nga jeta intime e qytetarëve shqiptarë”, tha Meta./Opinion.al
