Kryetari i Partisë së Lirisë, Ilir Meta ka publikuar këtë të martë një video ku shfaqen shtëllunga të mëdha tymi në Bashkinë e Shijakut.
Në një postim në rrjetin social “Facebook”, krahas pamjeve Meta shkruan se nuk ka rënë bombë atomike, por sipas tij bashkia e Rilindjes po djeg plehrat, duke helmuar banorët dhe duke kryer krime mjedisore.
“Nuk ka rënë bombë atomike, por thjesht Bashkia e Rilindjes në Shijak djeg tonelata me plehra duke helmuar banorët dhe bërë krime mjedisore.
Normal, se lekët e inceneratorëve vidhen nga grupi i strukturuar kriminal, ndërsa banorët terrorizohen që të mos protestojnë”-shkruan Meta.
