Presidenti i Republikës, Ilir Meta ka njoftuar sot se brenda dy ditëve do të mbledhë Këshillin e Sigurisë Kombëtare dhe do ti dërgojë ftesë kreut të opozitës Lulzim Basha.
Në një emsion televiziv Meta tha se mbledhja do të zhvillohet për të diskutuar rreth situatës së koronavirusit
“Brenda dy ditëve do mbledh Këshillin e Sigurisë Kombëtare, dhe do i bëj një ftesë kreut të opozitës, Lulzim Basha që të jetë i pranishëm, që të dëgjojë se çfarë do komunikohet, por dhe të shpreh mendimet e tij për këtë situatë”, u shpreh Meta.
Presidenti synon të ulë në një tryezë palët politike, jo vetëm për të dhënë një mesazh për qytetarët por edhe për të patur një vlerësim më të qartë të situatës
“Pa dyshim mund të jetë e nevojshme dhe do të ketë besoj edhe zhvillime të tilla në interes jo thjesht të dhënies së një mesazhi vizual, por për të bërë një vlerësim të situatës ku jemi dhe për të pasur një perspektivë më të qartë sipas të gjithë skenarëve qoftë pandemia, qoftë edhe situata ekonomike që ka pasojat e saj“, tha Presidenti. /Opinion.al
